غزل - ۲۱
پےٴ نذرِ کرم تحفہ ہے شرمِ نارسائی کابہ خوں غلتیدہٴ صد رنگ دعویٰ پارسائی کا
نہ ہو حسنِ تماشا دوست رسوا بے وفائی کابہ مہرِ صد نظر ثابت ہے دعویٰ پارسائی کا
زکاتِ حسن دے، اے جلوہٴ بینش، کہ مہر آساچراغِ خانہٴ درویش ہو کاسہ گدائی کا
نہ مارا جان کر بے جرم، غافل! تیری گردن پررہا مانند خونِ بے گنہ حق آشنائی کا
تمنائے زباں محوِ سپاسِ بے زبانی ہےمٹا جس سے تقاضا شکوہٴ بے دست و پائی کا
وہی اک بات ہے جو یاں نفس واں نکہت گل ہےچمن کا جلوہ باعث ہے مری رنگیں نوائی کا
دہانِ ہر بتِ پیغارہ جُو، زنجیرِ رسوائیعدم تک بے وفا چرچا ہے تیری بے وفائی کا
نہ دے نامے کو اتنا طول غالب، مختصر لکھ دےکہ حسرت سنج ہوں عرضِ ستمہائے جدائی کا